Deustuko Unibertsitateko irakasle talde batek, irailaren 3ko astean, Caliko Pontificia Universidad Javeriana bisitatzeko aukera izan zuen. Eginkizuna Kultur arteko Ikasketen Institutuarekin batera duten ‘Re-conciliando’ proiektuaren barrukoa da. Helburua da elkarrekin aztertzea adiskidetze esperientziak, bai Kolonbiakoak, bai Euskadikoak. Bisita bitartean proiektuko gaiak landu eta sakontzeko mintegiak egin ziren, bai eta elkarrizketak eta bisitak bertako indigenekin, borrokalari ohiekin eta gizarteko agenteekin ere.
Argazkian, Unibertsitateko taldea Caliko Pontificia Universidad Javerianako Luis Felipe Gómez sj. errektorearekin eta Kultur arteko Ikasketen Institutuko ikertzaileekin.